العزيز - وليد
تحية خاصة من فريق عمل بيت المدونات العربية - فإن مدونتكم تحظى بمكانة خاصة و مواضيع مميزة.
شكر بسيط منا - لقد عرضنا رابط مدونتكم على جميع صفحات الموقع فى قسم المدونات المميزة
ده إيميل وصلني من موقع "بيت المدونات العربية" وحقيقي يا جماعة لما قريته استغربت أووي … ووصل الأمر لعدم القدرة على الاستيعاب … ولما استوعبت … مصدقتش نفسي، وقولت مش معقول الكلام اللي مكتوب في الميل ده، وبالفعل مكدبتش خبر ودخلت الموقع أشوف إيه الحكاية، لقيت على السايد بار قائمة بالمدونات المميزة ومدونتي واحدة من العشر مدونات المميزة
لكم أن تتخيلوا مدى سعادتي وأنا قاعد بتنطط على الكرسي من الفرحة وده لأني بأعتبر كينونتي الممثلة في مدونة "عارفة … مش عارف ليه!!!" كينونة متواضعة للغاية ولا تستحق هذا القدر من التقدير، وإني في واقع الأمر كنت بكتب قبل التدوين لنفسي فقط لأشباع رغبة داخلية لأني المستمتع الأول بممارسة فعل الكتابة … وده بغض النظر عن جودة النص أو ضعفه وبعد ما تطور الأمر للتدوين وبقى كل بوست هنا جزء مني وممكن أكون تألمت في لحظات مخاضه ـ جملة إعتراضية على السريع كده، كلمة "جزء مني " لا تعني أبداً إني بطل كل القصص القصيرة هنا لأني مثلا مشتغلش في سيرك زي قصة "كوباية شاي" ولا بعت "غزل البنات" وكمان معنديش "غية حمام" ـ الجملة الاعتراضية دي طلعت كبيرة اووي كأنها ـ فقرة اعتراضية ـ :$ ، ما علينا نرجع لمرجوعنا
بصراحة يا جماعة من الأخر، بعتبر نفسي كمدون مش متسيط أووي وغير منتشر على الإطلاق وده تقصير مني أكيد ومش بشتغل على تسويق المدونة بالقدر الكافي وكتير بيجيلي أحساس بالذنب لتقصيري في حقها، لكن الإحساس ده يعقبه غالباً استسلام للأمر الواقع، مردداً القول المأثور … فلنكتفي بهذا القدر
وبناءً على الفقرة اللي فوق دي … لما يجيلي ميل بالشكل ده بيقول إن مدونة "عارفة … مش عارف ليه !!!" تعتبر واحدة من المدونات المميزة … وإن الكلام ده جد مش هزار ـ ومش مجرد هلاوس موريستانية ـ لأ وأيه … الكلام جاي من موقع معتبر وحط تحت كلمة معتبر دي ميت خط لأنه موقع متخصص في عالم المدونات من كل الدول العربية … بالإضافة إن عدد زواره 100 ألف زائر يومياً، يعني كده يبقى … جول وجول وجوووووووووول
وتشاء الأقدار إن وصول الميل ده يتوافق تاريخياً مع تعامد أشعة الشمس على مدونة "عارفة … مش عارف ليه !!!" في نفس اليوم اللي شهد ميلادها من سنتين بالتمام والكمال، وكان في نفس ذات الوقت … السنة اللي فاتت في عيد ميلادها الأول نشر لي أول مقال نقدي في جريدة الوسط الكويتية وعلى مدار السنة بحمد لله تم نشر عدة مقالات نقدية أخرهم من يجي كام يوم كده في جريدة الآن الالكترونية، وطبعا مجلة ميكانو كان لها دور في حصاد السنة دي بعد ما نشرت لي قصتين قبل كده
ومما سبق … الحمد لله السنة كانت عامرة بنجاحات لا بأس بها يمكن تكون خطوات في سرعة السلحفاة إلا إنها خطوات … والحمد لله كُللت نهاية السنة بالتقدير اللي نالته المدونة من موقع "بيت المدونات العربية" وكل الشكر للموقع على تقديره ده، والشكر موصول لكم أنتم كمان لأنكم كزوار للمدونة ساهمتم في نجاحها ـ إن كانت حققت نجاح يذكر ـ واستمديت من تعليقاتكم القوة الدافعة للأمام … وكل الشكر لأي حد قرا كلمة هنا وتركت أثر جواه … وشكراً جزيلاً للحظة ميلاد فكرة إنشاء المدونة دي … واللي كانت سبب في إني أكون هنا دلوقت
تحية خاصة من فريق عمل بيت المدونات العربية - فإن مدونتكم تحظى بمكانة خاصة و مواضيع مميزة.
شكر بسيط منا - لقد عرضنا رابط مدونتكم على جميع صفحات الموقع فى قسم المدونات المميزة
ده إيميل وصلني من موقع "بيت المدونات العربية" وحقيقي يا جماعة لما قريته استغربت أووي … ووصل الأمر لعدم القدرة على الاستيعاب … ولما استوعبت … مصدقتش نفسي، وقولت مش معقول الكلام اللي مكتوب في الميل ده، وبالفعل مكدبتش خبر ودخلت الموقع أشوف إيه الحكاية، لقيت على السايد بار قائمة بالمدونات المميزة ومدونتي واحدة من العشر مدونات المميزة
لكم أن تتخيلوا مدى سعادتي وأنا قاعد بتنطط على الكرسي من الفرحة وده لأني بأعتبر كينونتي الممثلة في مدونة "عارفة … مش عارف ليه!!!" كينونة متواضعة للغاية ولا تستحق هذا القدر من التقدير، وإني في واقع الأمر كنت بكتب قبل التدوين لنفسي فقط لأشباع رغبة داخلية لأني المستمتع الأول بممارسة فعل الكتابة … وده بغض النظر عن جودة النص أو ضعفه وبعد ما تطور الأمر للتدوين وبقى كل بوست هنا جزء مني وممكن أكون تألمت في لحظات مخاضه ـ جملة إعتراضية على السريع كده، كلمة "جزء مني " لا تعني أبداً إني بطل كل القصص القصيرة هنا لأني مثلا مشتغلش في سيرك زي قصة "كوباية شاي" ولا بعت "غزل البنات" وكمان معنديش "غية حمام" ـ الجملة الاعتراضية دي طلعت كبيرة اووي كأنها ـ فقرة اعتراضية ـ :$ ، ما علينا نرجع لمرجوعنا
بصراحة يا جماعة من الأخر، بعتبر نفسي كمدون مش متسيط أووي وغير منتشر على الإطلاق وده تقصير مني أكيد ومش بشتغل على تسويق المدونة بالقدر الكافي وكتير بيجيلي أحساس بالذنب لتقصيري في حقها، لكن الإحساس ده يعقبه غالباً استسلام للأمر الواقع، مردداً القول المأثور … فلنكتفي بهذا القدر
وبناءً على الفقرة اللي فوق دي … لما يجيلي ميل بالشكل ده بيقول إن مدونة "عارفة … مش عارف ليه !!!" تعتبر واحدة من المدونات المميزة … وإن الكلام ده جد مش هزار ـ ومش مجرد هلاوس موريستانية ـ لأ وأيه … الكلام جاي من موقع معتبر وحط تحت كلمة معتبر دي ميت خط لأنه موقع متخصص في عالم المدونات من كل الدول العربية … بالإضافة إن عدد زواره 100 ألف زائر يومياً، يعني كده يبقى … جول وجول وجوووووووووول
وتشاء الأقدار إن وصول الميل ده يتوافق تاريخياً مع تعامد أشعة الشمس على مدونة "عارفة … مش عارف ليه !!!" في نفس اليوم اللي شهد ميلادها من سنتين بالتمام والكمال، وكان في نفس ذات الوقت … السنة اللي فاتت في عيد ميلادها الأول نشر لي أول مقال نقدي في جريدة الوسط الكويتية وعلى مدار السنة بحمد لله تم نشر عدة مقالات نقدية أخرهم من يجي كام يوم كده في جريدة الآن الالكترونية، وطبعا مجلة ميكانو كان لها دور في حصاد السنة دي بعد ما نشرت لي قصتين قبل كده
ومما سبق … الحمد لله السنة كانت عامرة بنجاحات لا بأس بها يمكن تكون خطوات في سرعة السلحفاة إلا إنها خطوات … والحمد لله كُللت نهاية السنة بالتقدير اللي نالته المدونة من موقع "بيت المدونات العربية" وكل الشكر للموقع على تقديره ده، والشكر موصول لكم أنتم كمان لأنكم كزوار للمدونة ساهمتم في نجاحها ـ إن كانت حققت نجاح يذكر ـ واستمديت من تعليقاتكم القوة الدافعة للأمام … وكل الشكر لأي حد قرا كلمة هنا وتركت أثر جواه … وشكراً جزيلاً للحظة ميلاد فكرة إنشاء المدونة دي … واللي كانت سبب في إني أكون هنا دلوقت
المشاركات
65 Comments:
مبروك يا وليد
و لو سمحت متقللش من قدر نفسك
انت استاذ فى القصه القصيره
لان مفيش قصه قريتها عندك الا وحسيتها قوى لانها طالعه من قلب و عقل انسان مثقف وواعى
مره تانيه الف مبروك
و اسفه انى مزورتش البوست اللى فات
الف مبروك يا باشا
وعقبال 100 سنة تدوين
انت تستاهل كا الخير
واسلوبك مميز جدا فى القصة القصيرة
تحياتى لحضرتك
بدات ارتشف فرحك
كما لو كنت انا هو انت
رائع فى تجسيد الفرح
مبرووووك
كن دوماً كما انت
مبدعاً
مبروك
و عقبال ثالث و رابع ووووو مرة
بس متاكلناش كده
فين حواديتك ؟؟؟
عارفة ان الابداع ميستعجلش
بس اول ما يهل امسكه اعصره
و اكتبهولنا
علشان نرتوى :-)
ألف مبروك يا استاذ وليد
الحقيقة مدونتك رائعة وهادفة وتستحق أكثر من ذلك بكثير
ربنا يوفقك دايماً
تحياتى
وجوووووول وجول وجول
ألف ألف ألف ألف مليون مبرووووووووووك
مش قادرة اقولك يا وليد فرحتي قد ايه ؟ دة لو كنت انا اللي جيت في المرتبة دي مكونتش فرحت كدة
يارب ديماُ من نجاح لنجاح
وزي ما علا قالت ياريت متقللش من قدر نفسك مدونتك ليها مكانتها في قلوب الكثيرين
وانا واحدة منهم
ازيك
يارب تكون بخير
وان شاء الله تكون بخير
وبجد انا فرحانة ليك جدا جدا
وبفرح بأي مدون او مدونة يحصل لهم شئ جميل كده بعتبرهنجاح للبلوجر كله
وانت فعلا بأفكارك وتدوينات الجميلة اهل وجدير بهذا الاختيار
الف الف مبروك ومن احسن الي احسن
وبعدين ازاي ما يختاروش مدونتك الجميلة
مادام جبت سيرتي وقلت شمس في البوست
مادام قلت شمس يبقا كله كده تماااام
:))
ربنا يسعدك وتحقق كل احلامك
سلامي
و الله انت تستاهل يا وليد
اللى يعرف كواليس التحضير بتاعتك لكتابة موضوع جديد يعرف ازاى ان الكتابة لك مش اى حاجة و السلام
ولازم تلاقى التقدير ده من الناس
انت تستاهل ..و اكتر كمان
عقبال ما يكون الكلاكيت المرة الجاية بيتقال على مشاهد بيتصور لقصة من قصصك :)
انت بتهرج يابني انت من الناس القلائل اللي بستمتع بسرد حكاياهم
طب يا عم
الف مبروك
عقبال مدونة فشكول
وربنا يعلى مراتبك كمان وكمان
تحياتى
؟
شمعنى يعنى دة الى انتنشر
وليييييييييييييييييييييد
انا كنت كاتبة تعليق كبير عريض قد كدة ورااااااااح فى الوباء لا حراااااااام والله
الف مبروك ياوليد والله مش عارفة اقولك فرحتى قد ايه بيك والله
انا كنت كاتبة كلام كتير اوى
قاهرنة اوى على التعليق الى راح
وبقولك كمان عشان انت فاكر انى نسيتك جهازنا كان بايظ يجئ فى مواقع معينة ويهنج ويفصل ومن ضمنهم مدونتك والله
شوفت ازاى كنت ظالمنى
ماعلين
فكك
خلينا نفرح
ونتبسط دلوقتى
الف الف مبرووووووووووووووووووووووك
سلميلى على عم الخطر سبيدر مان
عووووووو
زي الفل و الله يا وليد و كمان متواضع استمر
الف مبروك يا وليد
وقصصك انا اعتقد تماما انها جزء منك لسبب بسيط انك لولا صدقتها وشعرت بابطالها اوى لولا اننا كقراءك صدقناها فعلا
يعنى قصه غزل البنات ماعندكش فكره فضلت معلقه معايا وبفكر ببائع غزل البنات دا فعلا لانى لغايه دلوقتى بشتريه
والكتاب القديم لانى كان عندى بردوا كتب قديمه بس مع الاختلاف انى اعرف اصحابها وقدرت افهم من يقرأ كتاب فيه خواطر اخر يعنى انت بتكتب من الحياه
علشان كدا بنصدقك
واعتقد جدا لو بإذن الله تعالى اتجمعت كلها فى مجموعه قصصيه هتلافى رد فعل اقوى من كدا اكيد ودى خطوه متوقعاها مستقبلا ليك
ربنا يوفقك وكل سنه وانت ومدونتك بخير
وعايزه شويه نشاط فى المدونه التانيه
يعنى ترجع وتنقد خاصه فى كام فيلم فى الفتره الاخيره عايزين مجهوداتك -اولاد العم وافاتار - يستحقوا وقفه منك
ربنا يوفقك
كل التحيه والود
الف مبروك أستاذ
وليد .مقل انت
فى كلامك ومواضيعك
كما قلت لكن وحقاً
موضوعاتك مميزة
ومتميزة ايضاً.
بس ينفع برضة
عيد ميلاد وشهادة
محترمة بالأمتياز للمدونة
ومفيش حتة جاتوة ولا (شوب)
عصير (جصب!)ينفع دا برضه!
ينفع يااستاذ وليد علشان
خاطرك بس.مرة تانية مبرووووك.
تعليقاً على قصة
((غية حمــــام)
جميلة أوى أستاذ
وليد بتسمحلى
أنشرها عندى
مع ذكر المصدر.
(بإنتظار الأذن
بالنشر:))
مبروك يا استاذ وليد
ربنا يوفقك وده نجاح لينا جميعا نحن نفتخر ان من زملائنا المدونين اللى بنتواصل معهم دائما ان يحظى بهذا التقدير والتميز
تحياتى وتقديرى
صيدلانيه طالعه نازله
**********************
الله يبارك فيكي والله
ومتشكر أووي
على كلامك الجميل ده :)
همس الاحباب
*************
خالد باشااااا
الله يبارك فيك
متشكر أووي والله
تسلم يا زعيم :)
رشا
*******
كل الشكر لذوقك الجم
خالص تقديري
لكلماتك الصادقة
دومتي بكل خير
Wanda
*********
الله يبارك فيكي
وإن شاء تكوني أنت كما موجودة لما يبقى في تالت ورابع ووووو مرة
وأكيد أنا كمان نفسي يكون في قصة قريبة هنا بإذن الله :)
متشكر أووي وندا
صدى الصمت - عاشقة الورد -
*****************************
الله يبارك فيكي والله :)
متشكر أووي على كلامك الجميل ده
تحياتي
ميرا ( وومن )
******************
فعلا
وجول وجول وجووووووووووووول :)
الفرحة بتنط من كلامك حقيقي
متشكر أووي والله ميرا
وأي نجاح لأي حد فينا
بيكون فعلا نجاح
لنا جميعا كمدونين
شمس النهار
*************
أهلا بحضرتك والله
ربنا يخليكي والله
فعلا أي نجاح لأ حد
بيكون نجاح لنا جميعا كبلوجرية
وأكيد شمسك كانت مشرقة في البوست :)
قوس قزح
********
شكراً جزيلاً داليا
وإن شاء الله النجاح
يكون حليفنا جميعا كمدونين
بيحاولوا يعبروا عن اللي جواهم
dr.lecter
************
حبيب قلبي تسلم والله
وعلى فكرة أنت شرررررررريك في أي نجاح هنا
أنت معايا هنا من بدايات المدونة
ومن الناس اللي بتزين كل بوست بتعليقاتها
متشكر أووي لروحك الجميلة دي والله
فشكووول
*********
الله يبارك فيك
ومدونة فشكووول
ماشاء الله اشهر من النار على العلم
وإن شاء الله ربنا يوفقنا جميعا للخير
كيكى عوووووو
**************
الله يبارك فيكي
فعلا عندك حق كان في مشكلة عندي في المدونة من قترة كده
واكيد مش محتاجين أعذار وتبريرات
لان مدونتك من المدونات اللي بستمتع فعلا لما بزورها لاني بشوف فيها دايما رؤية مختلفة لحاجات كلنا شايفنها بس بحب أووي اشوفها من زاويتك
وعم الخطر سبايدر بوي خنقني على الأخرررررر :)
shekomando
*************
ربنا يخليك والله
متشكر أووي على الدفعة المعنوية دي
بسنت
*******
الله يبارك فيكي بسنت
أنت من الأصدقاء المقربين للمدونة
كلامك اللي قولتيه ده مهم أووي لأني مدرك تماما قيمة الكتاب والكلمة بالنسبة لك
خصوصاً إنك في القراية قررررريره :)
ومين عالم يمكن يتحقق توقعك إن شاء الله
وإن شاء الله أقدر احقق النشاط اللي بتتوقعيه بإذن الله
متشكر أووي بسنت
norahaty
*************
الله يبارك فيكي والله
ومتشكر على دعمك المعنوي ده
وطبعا شوب الجججصب مش خسارة فيكي
بس يا ريت تخليهم شوووبين :$
أصلي من مدمنين الججججصب ده
وبالنسبة لكلامك ده
"تعليقاً على قصة
((غية حمــــام)
جميلة أوى أستاذ
وليد بتسمحلى
أنشرها عندى
مع ذكر المصدر.
(بإنتظار الأذن
بالنشر:))"
طبعا موافق
الشرف ليا إن يتنشر
ليا حاجة على مدونتك
وبعدين أنت مش غريبة
البيت بيتك :)
حنين
********
الله يبارك فيكي حنين والله
وكل شكر لك على روحك الجميلة دي
وفعلا أي نجاح لأي حد فينا
بيكون نجاح لكل المدونين ككل :)
الف مبروك ياوليد
وحقيقي حضرتك تستحق
وده مش مجاملة ولا نفاق ربنا يشهد ان ده اللي بحس بيه كل ما اقرا هنا ان الكلام ده يستحق كل التقدير
تحياتي
ولازم تخلي التاريخ ده هو رقم حظك
وتدور اكيد هتلاقي فيه كمان حجات سعيدة حصلت فيه
وياريت تقول لنا عليه بالظبط التاريخ يعني مش حاجة تانية ماتخافش
وبالمناسبة
وبما ان حضرتك كسول في زيارة المدونات اغتبر نفسي من المحظوظين على كده ان حضرتك زورتني زمان
كل الامنيات بالمزيد من التوفيق
فكرة
اولا كل سنه ومدونتك طيبه ومتألقه ومن نجاح لنجاح وعقبال ميييييية سنه
ومدونتك بما تحتويها من موضوعات وقصص مميزه وهادفه لتستحق ذاك التكريم وأكثر
فمبروك إعتلائك المستحق لقائمة المدونات المميزه وإن شاء الله دوما في المقدمه
العزيز وليد،
لقد شاهدت موضوعك بالصدفة - و بالنيابة عن نفسى و عن فريق العمل فى بيت المدونات العربية أشكرك بشدة على هذا الكلام الجميل. إن وجود بيت المدونات العربية - تدوينة.كوم - هو قائم على موضوعات المدونين الرائعة و التى نتمنى من خلال موقعنا ليس فقط نشرها - بل عرضها بشكل يليق و تمييزها عن الكل. و نحن حالياً مازلنا نخطو الخطوات الأولى فى هذا المضمار و نعدكم بالكثير. و إن كان نجاحنا سوف ينبع فقط من تدعيم المدونين مثلك يا وليد بنشر موقع بيت المدونات العربية حتى نستطيع أن نطور أنفسنا بالشكل الذى يجعلنا نقطة إلتقاء المدونات العربية. نتمنى دائماً أن نكون عند حسن ظنكم جميعاً و كل آرائكم لتطوير الموقع هى محل إهتمامنا الأول و الأخير. شكراً مرة أخرى.
فكرة من الزمن ده
******************
الله يبارك فيكي
وتسلمي والله
وطبعاً الشرف ليا زيارة مدونتك
وأكيد دي حاجة بتسعدني جداا
وبستمتع بوقتي في ضايفة مدونتك
وشكراً جزيلاً مرة تانية :)
ahmed_k
*********
الله يخليك يا أحمد
تسلم والله
وكل سنة وأنت طيب وبخير
وشكراً جزيلاً على المجاملة
وإن شاء الله يدوم التواصل
بينا دايما بإذن الله
ميشيل حبيب
***********
العزيز مشيل حبيب
كل الشكر لتلك الصدفة التي أتت بك إلى هنا
وكل الشكر لفريق بيت المدونات العربية
ولهذا الموقع الجدير بالإحترام والتقدير
لما لمسته به من إهتمام بكل ما له صلة بالتدوين والمدونات والتصنيفات المختلفة
سواء كانت أفقياً أو رأسياً
مما يثري زوار الموقع بقدر هائل من المعرفة بما تقدمه تلك المدونات كل حسب مشاربه وحسب موقعه على خريطة الوطن العربي
مع خالص تمنياتي بالتوفيق
للموقع ولفريق العمل القائم عليه
شكراً جزيلاً مرة أخرى
وليد الزهيري
مبروك من كل قلبى
..
..
سوف اتابع (كوباية الشاى وغزل البنات وغية حمام )
تحياتى
well
******
شكراً جزيلاً لمرورك الأول
وإن شاء الله تجد ما يجذبك
إلى هنا مجدداً
تحياتي
وليد
شكرا للمدونة لانها عرفتنى على انسان وصديق واخ جميل اسمه وليد الزهيري
------
مبروك يا جميل ومين اللي قال انك مش مشهور كفايه اننا كلنا بنحبك وبنفتكرك بالخير وان لما بنشوف تعليقك عند اي حد مننا بنحس بسعاده وبفرحه ولما بندخل عندك هنا بيحصلنا حالة من الانتشاء بعد قرأة اي نص بتكتبه صدقنى مش مهم تبقى وائل عباس وتتطلع في برامج ولا تسافر هنا وهناك المهم انك تكون جوة قلبنا وده اللي حصل
لك كل محبتى يا احي وصديقى الجميل
ألف مبرووك يا وليد .. مدونتك متميزه جدا فعلا و أنت أنسان جميل و متميز وتستحق كل الخير .. و يارب دايما من نجاح لنجاح و دايما سعيد
تحياتى لك
وليد
مبروك الف مبروك
وبالفعل مدونتك من المدونات الرائعة
وقد تميزت وتطورت المدونة بالفعل في الفترة الأخيرة بالقصص الرائعة التي تكتبها
وفرصة لي أيضا هنا أن أبدي إعجابي
بقصصك القصيرة
كتاب قديم
غية حمام
قرأتهما وإستمتعت بتلك التفاصيل الدقيقةالتي تعطي للقصة عمقاً وبعداً ثالثاوهي الإحساس بالرؤية لكل أحداثها
وليد مرة أخرى مبروك
تحياتي
حسن أرابيسك
ألف ألف مبروك .. أنت تستحق ذلك وأكثر بغض النظر عن الإنتشار والدعاية وخلافه .. فكم من المغمورين نجد أعمالهم أفضل ألف مرة ممن تسلطت عليهم أضواء الشهرة
مبروك مرة أخرى
لى راى مختلف عن الاخرون واسمح لى ان اطلعك عليه هنا وبايجاز استاذى الفاضل لو انك امعنت النظر فى ماهية قصصك ستجد انها تحمل نظرة تعسفية واحدة لكل قصصك والنهاية غالبا فى متناول اذهاننا لطيلة تكرارها قصصك خالية من النشوة الممزوجة بالبعد التخيلى والتى يلجأ لها القارئ فى لحظات الكبوة لينسج لنفسه هذا الخيط العنكبوتى من الوهم والحقيقة الابداع سيدى بايجاز غير موجود فى قصصك لانك دائما تضعنا امام النهاية منذ البداية فمنذ قراءة السطور الاولى يمكننا ان نكتشف ما سيليه بالاضافة للغة الركيكة التى تستخدمها والبعيدة كل البعد عن مفردات اللغة العربية والا بماذا تفسر فى قصتك الاخيرة المنوطة بعنوان غية حمام الام وهى تجلس لتحشى صوابع المحشى ما البعد الجمالى فى تصوير مشهد بهذه الصورة سيدى الفاضل ارجو ان تتقبل كلماتى ام هؤلاء الافاقين الذين يشيدوا على اداءك تحسباً لتناول احد اطباق المائدة العامرة بالاطباق المنكهة بنكهة النفاق والمزينة بتوابل التملق والبعض الاخر ما هم الا جهلة ولا داعى ايها المغوار ان "تتنطط على كرسيك "فهذه الجهة التى توجتك ملك وجعلتك تقوم بالتنطيط على كرسيك هم ليسوا بالادباء او الشعراء او حتى يفقهوا شئ فى النقد القصصى من هو المدعو حبيب مشيل كان عليك قبل ما ان تقوم "بالتنطيط على كرسيك " ان تتحرى عنه لتتأكد من صدق احقيتك بهذه الجائزةان هنا هناك من جائزة ولا داعى للفخر بشئ كاذب تعلم كل العلم ان هناك الكثيرون غيرك احق به منك ولكن لتدنى مستوى البيت الذى اختارك وانحداره من البيئة غير اهلة كنت انت على رأس القائمة
اين التعليق
استاذ وليد كنت نزلت قصة جيدة وباذن الله تعجب حضرتك واحب اعرف راى حضرتك فيها
mostafa rayan
***************
كل الشكر لك يا مصطفى
لأنك من أوائل المدونين الذين تعرفت عليهم وكثيراً ما دعمت هذه المدونة بتعليقاتك
فأنت نعم الأخ والصديق
ولا أنسى لك مرافقتي في آخر لقاء لنا سوياً
لتكون أخر من رأيته من المدونين
قبل سفري
rovy
******
الله يبارك فيكي روفي
كل الشكر لتشريفك الدائم
رغم تقصيري المبالغ فيه
تحياتي لك
حسن ارابيسك
**************
قد لا تصدق مدى أهمية تعليقك
وكم أنا سعيد بتلك العلاقة الطيبة
التي تربطنا ببعض كمدونين منذ أمد
وبفضل الله ثم تعليقاتك الصادقة استمرت هذه المدونة إلى الحين
كل الشكر لك أنت ارابيسك
يا مراكبي
**********
ما ذكرته في تعقيبي على تعليق حسن ارابيسك
ينطبق تماماً على تعليقاتك
فقد كان لتعليقاتك السابقة
أبلغ الأثر فيما ينشر هنا
فلك أيضاً كل الشكر
غير معرف
*************
تعليقك ينقسم إلى ثلاثة نقاط
أولاً:
نقدك لما ينشر هنا على المدونة وهو أمر مقبول وسأرد عليه
وبداية سأتحدث عن "النظرة التعسفية" التي تكلمت عنها ودللت عليها بالمثل المضروب
بشخصية أم حمام بالرغم من أن الشخصية المتناغمة بسلوكياتها مع بيئة الحدث
والبعد الجمالي في هذا المشهد … الذي سألت عنه يكمن في استخدام أدوات
يبدو أنك "تجهل" بها
واعذرني في استخدام لفظ "الجهل" لأنني استعارته من تعليقك
البعد الجمالية يكمن هنا في
الأدوات التي تحرك الحواس المعطلة
أثناء القراءة ومن هذه الحواس " الشم ـ الإبصار ـ السمع" وهي كما يلي
أولاً : الشم
في إنك تستطيع أن تشتم رائحة خلطة الأرز المعدة للمحشي ورائحة ورق الكرنب المسلوق
ثانياً: الإبصار
فإنك أيضاً أن تبصر حركتها وهي تميل … وهي تبرم … ثم تنحي … وبعد ذلك تتكأ
ثالثاً: السمع
تسمع خفة دبيب مسعد أثناء صعوده … وصوت يديه وهو يصفق
هذه هي الصورة الجمالية في المشهد الذي سألت عنها
أرجو أن تكون تذوقتها
علني أكسب فيك ثواب المعرفة بما تجهله
أما عن النهايات التي تحدثت عنها فهي قد تكون بالأهمية في العمل الروائي أكثر منه في القصة القصيرة
لأن القصة القصيرة تهتم باللقطة اللحظية لمشهد معين تسلط عليه الضوء لإبراز ما تريد أن تقوله في تلك اللحظة
فالقصة قائمة على تفاصيل اللقطة
أكثر من كونها قائمة على الحبكة الدرامية
فتلك التفاصيل إن بذلت قدراً ضئيلاً من المجهود الذهني
ستجد هناك علاقة ما تربطها ببعضها البعض
لتكمل الصورة الجمالية للنص ككل
ولهذا الأسلوب أنصاره ومؤيديه
قد تتفق معه أو تختلف هذا شأنك
إلا إنه قائم شئت أم أبيت
ومع كلاً أعتقد إنك لم تقرأ مثلا من قبل قصة مضمونها يتكلم عن أحد يكتب خواطره على هوامش كتبه مثلما جاء في "كتاب قديم" وأتحداك أيضاً إن كنت توقعت نهاية كتلك التي كانت في قصة "الحب في ديسمبر" على ذكر النهاية المعروفة سلفاً كما ذكرت
وعن القصة الأخيرة "غية حمام" ما كان من الممكن أن تنتهي نهاية تتنافى مع واقع الشخصيات
وحتى إن فعلت ذلك ما كانت ستكون مقبولة … لأن الواقع لا يسير في غير هذا الاتجاه
أم تريديني أن أبيع الوهم … وأكتب نهاية سعيدة بعيدة عن أرض الواقع
فدوري هو عرض اللقطة لتتحدث عن نفسها
ولست مطالب بتقديم حلوووووول
أما عن حديثك عن ركاكة اللغة العربية فلا أعرف ماذا تقصد بها
هل تقصد حوار الشخصيات مثلا والمكتوب اللهجة العامية؟
إن كان هذا فهي لغة الشخصية وبيئتها ويبدو أنك تجهل آلية "كتابة الحوار" أيضاً
أما إن كنت تقصد فقرات السرد التي تأتي على لسان الراوي والمكتوبة باللغة العربية
فبحمد الله ليس لدي مركب نقص
أيها المثقف الضرغام
حتى أتحذلق برص بعض المفردات
التي لا علاقة لها ببعضها
والتي تبدو كجسد بغير روح
حتى أقول للناس أني فحل من فحول اللغة
غير معرف
*************
ثانياً:
بالنسبة لموضع التتويج الذي تحدثت أنت عنه فأنا لم أذكر كلمة واحدة تشير إلي هذا الترتيب مثلما تتدعي كما أنك نعت أيضاً أصحاب الموقع بأنهم لا يفقهون شيء في النقد القصصي … فهل أنت تعرفهم ؟ حتى تدعي هذا عليهم.
ثم أنك لو بذلت قدراً من الجهد وذهبت إلى هذا الموقع الذي وصفته بـ "المتدني" لوجدته يحوي على 2.430 مدونة من مصر فقط ناهيك عن بقية المدونات في الأقطار العربية وأنا لست هنا بصدد الدفاع عنهم ولكن هذه كلمة حق والموقع به قاعدة بيانات محترمة للمدونات العربية ، كما أن المدونة ليست فقط قائمة على القصة القصيرة
وهذا الأمر الذي اثار حفيظتك لا يعني مطلقاً أنني الأفضل في كتابة القصة القصيرة وليس هناك معيار تستطيع أن تقيم به الأفضل ومن هو أقل منه أفضلية فالأمر نسبي فنحن لا نتكلم عن عملية حسابية حتمية النتائج
فعلوم الكلام فضفاضة
ولا تستطيع أن تضع لها تقييم مطلق أي جهة أو هيئة أو حتى أنت
أما عن تعبيري عن سعادتي "بالتنطيط" هو شيء حدث بالفعل وهذا ما ذكرته بغض النظر عن أي اعتبارات أخرى فليس هناك أي مانع لدي أن أعبر عن فرحتي حتى ولو كانت غير مقبولة لديك
فإذا أردت أن يصدقك أحد
يجب أن تكون صادقاً فيما تقوله
سواء حزناً أو فرحاً
ولكن يبدو أنك تجهل
صدق المشاعر أيضاً
ثالثا:
لقد أهنت أطراف أخرى ليست طرفاً في حوارك معي
ونعت البعض بالأفاقين والبعض الآخر بالجهلة
فكان من باب أولى أن يكون حديثك معي أنا فقط لأنك اغتبت أطراف ليست طرفاً في حديثنا
وقد لا يعلمون بما ذكرته عنهم ليردوا عليك غيبتك لهم
وقطعاً سيقتصون منك في يوم ما
وهذا لأنك جُبنت
ولم ولن تملك الشجاااااعة الكافية
لكي تقول أنا فولااااان
وسأذكر لك مثالين فقط ممن سبقوك في التعليق مصادفة
وهم الأفاضل : حسن أرابيسك ومراكبي
وهذان الشخصان كثيراً ما انتقدا موضوعات نشرت هنا
وبإمكانك الرجوع لتعليقاتهما لمعرفة ماذا قالا في ذم بعض الموضوعات هنا
ومع ذلك ذكروا أسمائهما لأنهما يملكان الشجاعة التي لا تملكها
واختبأت أنت وجُبنك
وراء ستار "غير معرف"
وأخيراً:
عن سؤالك أين التعليق؟
فيبدو أنك معتاد على أسلوب "المودريشن" والحمد لله
ليست على رأسي "بطحة" حتى أشرف على التعليقات
كي أنشر تعليق من يمدحني وأحذف من يذمني
حتى لو كان "غير معرف" مثلك
وأرتضى على نفسه أن يكون … نكرة
وأياً كان الأمر
فقد جانبك التوفيق في اختار مفردات تملئها الضغينة وتعبر عن فحواك
وليس لك عندي غير هذا البيت
أصبر على كيد الحسود فإن صبرك قاتله
فالنار تأكل بعضها إن لم تجد ما تأكلــــه
شريهان
*********
كل الشكر لتقديرك شريهان
بدعوتك لقراءة جديدك
وإنه لمن دواعي سروري
أن أقبل هذه الدعوة
شكراً جزيلاً مرة أخرى
عزيزى انا لا اتبع طرق ملتوية فانا لا املك مدونة ابث فيها هرائ على الخلق انا مجرد رجل اجيد القراءة لا اكثر
و اعتقد اسمى لا يعنيك بشئ فتحى عباس محمود مهما يكن كان بالاحرى ان تهتم بوجهة نظرى فى كتابتك من الواضح انك تحاول ان تظهر بانك مذاكر كويس فنقلت بالمسطرة عن دون وعى ماهية القصة القصيرة اذن استاذى لماذا لا تطبقها هنا
لماذا اخترت زهرة التوليب وهى غير معروفة فى الوسط العربى واعتقد ان زوار مدونتك لم يسمعوا عنها كان عليك ان تختار الصبار فهى كانت تفى بالغرض اكثر او هذا ايضا من ضمن الفذلكة
ما علينا هذه بعضا من الغلطات التى لمحتها عندك حيث ان وقتى اثمن من نفاذه فى الكثير من التهرواءت
حمل زهوره متوجها إلى العنوان الوحيد الذي أدرك أنها ستقيم فيه يوماً ما "المقابر" وعندما وصل إلى هناك وقف حائراً على أياُ منها يضع زهوره … أدار ظهره للقبور جميعاً وهو ينثر التيولب في الهواء دون أن يرى أين سقطت، عله يصيبها إحداها… وإن لم تكن من بين سكانها اليوم ربما يصيبها أثرها حينما تسكنها… ممنياً نفسه بلقاء ما بعد الحياة… ما هذا الهراء سوف اترك لك هراء المخيلة ولكن من الناحية النحوية ماذا تعنى هذه العبارة فهى ذات تركيب لغوى ونحوى خطأعله تصيبها يوما
عندما انتهى من ظهر سترته الجلدية، أدارها كي ينفض حبات المطر عن صدرها
بالله عليك يا رجل هل هناك معنى للتنفيض هنا وهل رذاذ المطر ينفض هناك فرق بين ذرات التراب الذى ينفض بالمنفضة ورذاذ المطر ومن اين اتيت بحبات المطر هل المطر حبوب ما علينا
ماذا تعنى بصدرها صدر السترة ام صدر من؟؟؟ !!!
لم اسمع يوما كلمة تعنى صدر السترة واين اذن فخذها ومؤخرتها
تجربة حبه المبتورة لأحدهن، حين قالت:
ـ عبيطة.
وهل هذه كلمة تليق بهذه الحذلقة اللغوية
هب من مقعده متوجهاً إليها , مزلاج الباب يلتئم مكانه ,نظر خلفه، فلم يجدها على مقعدها …
هب الهبوب استاذى للعواصف للريح اختيار سئ عن جهل متقن
يلتئم لم نسمع يوما عن مزلاج يلتئم ما هذه الفذلكة اللغوية التى تتحفنا بها
ـومال يميناً برأسه مداعباً شعرها بخده، مثلما تفعل القطط.
من الواضح ان مأخوذ بممارسات القطط الغير سوية
عارف… بالرغم من إنك مبقيتش تقولي إنك بتحبني زي زمان، إلا أني في عز نومي كل ما جسمي يتنفض من الخوف لما أقلق على صوت الهوا بيهز البيبان،
البيبان جمع باب ابواب للعلم بالشئ لا اكثر
من هنا المتحذلق عن جهل لقداستغللت جهل رواد مدونتك ونصبت نفسك قصصى وقدمت لهم افق وهراء ومن البديهى ان شريهان تطلب منك زيارتها لتعطى لها رأيك فى قصتها الجديدة فقد تتلمذت على يديك بالرغم انها لا تنصب فخا باستعمال لعبة الكلمات التى لا تجيدها فهى على سجيتها وعلى الادب السلام وسلام
غير معرف
************
كل ما ذكرته لدي رد عليه
ولكن يبدو أنك لم تستووووعب
تعليقي السابق جيداً
ويا من تدعي أنك حامي حمى اللغة العربية
جاءت هذه الكلمة على لسانك
"من الواضح انك تحاول ان تظهر بانك مذاكر كويس "
هل هناك شيء في اللغة اسمه "كويس" ؟
وإذا كنت أنا مذاكر كويس
فمن الواضح أنك أكوس مني
وتعجبت لأمرك أيضاً هنا
"حيث ان وقتى اثمن من نفاذه فى الكثير من التهرواءت "
بالرغم من وقتك الثمين هذا إلا أنه نفذ منك … وأنت تقرأ عدد لا بأس به من القصص المنشورة هنا
أليس هذا غريباً مع أنك حانق عليها؟
على أي حال
لن أدخل معك في جدال عقيم
حرصاً مني على وقتك الثمين
رجاء أخير التزم بآداب الحوار
وأيضاً دعك من سين أو صاد
أما عن أسمك
أنا لم أقل أنك تملك مدونة
لماذا فكرت هكذا؟
يكاد المريب أن يقول خذوني
الله ينور يا باشا وألف مبروك الحصاد
وتعيش وتزرع
تقبل تحياتى
مع اصرارى
***********
كل الشكر لمعاليك :)
خالص تقديري
الكبير كبير يا كبير
ربنا يوفقك كمان وكمان وكمان
ربنا يوفقك
ahmedsamir
*************
شكراً جزيلاً أحمد
ربنا يوفق الجميع
aflam toreksh
**************
شكراً جزيلاً
معلش انا حذفت التعليق
علشان ده إعلان
سوري
إرسال تعليق